La Renta Básica ye un ingresu pagáu pol estáu, como drechu de ciudadanía, a cada miembru de plenu drechu o residente de la sociedá, inclusive si nun quier trabayar de forma remunerada, ensin tomar en consideranza si ye ricu oprobe o, dichu d'otra forma, ensin dar más cuáles puean ser les otres posibles fontes de renta, y ensin importar con quién conviva.

La Rede Renta Básica principió la so actividá a entamos de 2001. Un bon
númberu de persones que yá llevaben una década promoviendo la propuesta de la Renta Básica, con ésti o con otru nome, ya investigando determinaos aspeutos de la mesma, decidieron construyir l'Asociación. Nel artículu 4 de los Estatutos de la mesma se dizse que "costituyen los fines d'esta Asociación la promoción ya difusión d'estudios y la investigación científica sobro la Renta Básica, pa un meyor conocimientu de la propuesta ya de la so viabilidá". La Rede Renta Básica ye seición oficial de la organización internacional Basic Income Earth Network (BIEN) dende'l conceyu d'ésta cabera fechu en Xinebra'l 14 de setiembre de 2002.

Estes páxines WEB, coordinaes por Daniel Raventós, pretenden ser un
instrumentu pa toes aquélles persones y grupos interesaos nes
fundamentaciones y defenses académiques, sociales o polítiques de la Renta Básica. Tamién procuren ufiertar la información de dalgunos acontecimientos, iniciatives ya discutinios rellacionáos con esta propuesta social. Pa iniciatives y suxerencies de collaboración, unvíu de documentos, avisos de proyeutos o cualquier otru acontecimientu rellacionáu cola Renta Básica, pue ponese en contautu con Álex Boso, Sandra González, Francisco Ramos o Daniel Raventós.